إزاي تعمل تريند على تويتر؟

هنتكلم عن موضوع يهم ناس كتير في السوشيال ميديا  وخصوصا تويتر و هو التريند
كلنا أو معظمنا بيستخدم الهاشتاجات hashtags في البوستات اللي بينشرها اللي بتساعد على التصنيف والربط بموضوع معين

إزاي تعمل تريند على تويتر؟

ويعتبر تويتر من أول الشبكات اللي استخدمت الهاشتاجات من سنة 2007 وبعدها ابتكر تويتر مصطلح التريندز trends وهو إن لما الآلاف يتفاعلوا على نفس الهاشتاج في فترة زمنية واحدة بيتحول الهاشتاج ده لتريند حسب المنطقة الجعرافية اللي بيتم كتابته داخلها.

طيب تويتر بيحسب التريند إزاي؟؟

اللي تم معرفته إن تويتر بيقسم اليوم لأربع فترات:

الفترة الأولى من 6 صباحا إلى 12 ظهرا: التريند بيحتاج 1700 تغريدة كتبها على الأقل 733 مستخدم

الفترة الثانية من 12 ظهرا إلى 6 مساءا: 1500 تغريدة كتبها على الأقل 812 مستخدم

الفترة الثالثة من 6 مساءا إلى 12 منتصف الليل: 1900 تغريدة كتبها 922 مستخدم

الفترة الرابعة من 12 منتصف الليل إلى 6 صباحا: 1200 تغريدة من 500 مستخدم

وبما إن وسائل الإعلام الحديث بقت متمركزة في السوشيال ميديا بقى ال trendعلى تويتر أسهل طريقة لمعرفة التوجهات وقياس الرأي العام واللي ممكن عن طريقها تأثر في تصرف مؤسسات بل قد يصل التأثير لصناع القرار.

علشان كالسبب ده فيه جهات استغلت تريندات تويتر وخافت من سطوته وحاولت توجيهه لخدمة مصالحها بمحاولة صناعته وكتابة آلاف التغريدات تحت هاشتاج معين ومن هنا ظهر مصطلح "اللجان الإلكترونية" وهي موجات مصطنعة من المشاركات والردود ذات الصيغة الثابتة (سكربت) لخلق رأي عام وهمي يؤثر على الرأي العام الحقيقي ويدفعه لطريق تحقق مصالح المؤسسة اللي أنشأت اللجنة الإلكترونية.

طب ده بيتم إزاي؟؟

ببساطة بيتم تعيين عدد كبير من الموظفين ما بين 50 ل 100 -وقد يتعدى هذا الرقم- كل موظف بيفتح عدة حسابات (ممكن تتجاوز العشر حسابات للموظف الواحد) وينشر عليها تغريدات بتحمل نفس الهاشتاج (وقد تكون بنفس النص تماما) لحد الوصول بالعدد لما يسمح بتحويل الهاشتاج ده لتريند وممكن تتعرف عليها بسهولة عن طريق صور البروفايلات العامة (زي الورود والشمس والأعلام وغيرها) وبالجمل الموحدة والمشاركات اللي بنفس النص.
by :yasser alhaimony